Odink - De H?lter

ISBN
   

Soort boek
Hardcover

<p>'t Is, dacht ik, zonne veertig jaor elaene, dat ik veur de aerste maol een gedicht van Gerrit Odink, de H?lter, las. As de herinnering mi?) neet bedrug, was dat in de regionale krante, de GOC oet Lochem. ?t Ging hier umme een gedicht ovver ?Goon Vrijdag?. </p> <p>Der wazzen twee dinge, dee mi?j ton opvelen. In de aerste plaatse, dat ?t hier een gedicht betrof in de streektaal, in ?t Eibargs. En in de tweede plaatse, dat den dichter een religieus mense most wezzen. Met dat laatste bedoele wi?j neet, dat hee t?t een kerkgenootschap beheurn, want dat zal heel iets anders wezzen, al hooft ?t ene ?t andere neet oet te sluten. Maor den dichter most ter ene wezzen, den dat gebeurn op Golgotha zo te zeggen van heel dichtebi?j waer metmaken. Den daorb:?j de m?ggelijkheid in zich had dit verhaal, dat joo al zovake beschrevvene en verdicht is, ovverni?j in waorde te vangen. T?t poezie te maken, wat inheel, dat e warkelijk ne dichter most wezzen. </p> <p>Daorbi?j kwam veur mi?j persoonlijk de belaeving, dat zoiets onder waorde te brengen, in de taal van de streek, m?ggelijk was. Bes op ?n moment, dat ik dit gedicht van Gerrit Odink las, had ik nog gin Achterhooks gedicht onder ogene had. Gin warkelijk gedicht. Wal riemen en beriemde vertellingen natuurlijk, zoas beveurbeeld van Krebbers, Stegeman, Keuper en zov?lle andern. Starings gedicht ?de tuchtiging der Algerijnen? ok ne beriemde vertelling, had ik doo nog neet elaezene. </p> <p>Dit gedicht beduun veur mi?j ?t aerste begin van ne periode, van ni?jertiedse dialectpoezie, dee beveurbeeld in Gr?nningen allange was begonnen. Maor nog neet in den Achterhook. Wat wist ik as jongen schoolmeister af van dee ontwikkeling. ?t Enige, wat ik op dat moment deed, was allene maor de streekspraoke te verdedigen deur ze gewoon te spraeken en mi?j daorin thoes te veulen. </p> <p>Later heb ik Gerrit Odink en ok ziene poezie better leren kennen via de oldheidkundige vereniging De Graafschap, waorvan hee ok lid was. Ok de gedichten van andern, van Johanna van Buren beveurbeeld en van Arend Lamm en neet te vergaeten van Simon van Wattum oet Groningen. Dee schreven ok allemaole in de eigen spraoke. </p> <p>?t Laezen van dat gedicht van Odink hef bi?j mi?j wat wakker emaakt. ?tr Was dus m?ggelijk umme in de eigen spraoke aover zukke dinge te schrieven. En dat heel in, dat ik, den al gedichten schreef in ?t Nederlands, dat ok in de eigen spraoke prebaern te done. Gerrit Odink is mien veurbeeld ewest. Later heb ik maer elaezene van Odink en neet alles wat e schreef, was ok warkelijk poezie. Monges hapern ?t an den vorm, monges an enen reggel in een gedicht, zoas ?t heel mooie gedicht ?Snee?, waor veur mien geveul de daarde strofe neet helemaols feilloos is. Maor ?t vernt?jende bi?) Odink is zonne lesten reggel in dit gedicht: ?Zo st?rf den dag in ?n snee? Allene?. ?t Is een natuurgedicht, maor heel anders as veur um de streektaaldichters in den Achterhook dichten. In ?Hartst 1957? deezelfde verni?jing. De vergelieking van de rooie loch met de helle. Natuur ok as een soort bedreiging. Umme bange van te worden. Dat deed Odink met de natuur en de natuur met Odink. Umme neet te praoten van zien mooie gedicht Naamloos volk? met daorin ?t waergevven van de mensen dee open ondergaot in de massa, dee zich ?mevrouw? of meneer? neumt en veur den dood gin tied hebt. Zo zow deur k?nnen gaon, maor een veurwoord is neet bedoold as een recensie. ?t Is allene maor een inleiding t?t, een ni?jsgierig maken veur wat hiernao kump. </p> <p>Veur m1?) is Gerrit Odink den aersten dichter ewest, den nao den aorlog ansloeting zoch bi?j de nt?'je bewaeging in ?t hele streektaalgebeurn. Laoten zeen, da?j in ow eigen spraoke alles zeggen k?nt waorveur andern Nederlands gebroekt. </p> <p>In ?t book ?Oostnederlands, bijdragen tot de geschiedenis en streektaalkunde van Oost-Nederland? (?s Hertogenbosch 1964) halen Hendrik Entjes, den Odink ok good ekend hef, um ok terecht naor veurn oet de riege van streektaaldichters en -schrievers. </p> <p>De gedachte umme de gedichten van De H?lter ovverni?js te drukken, is ontstaone op ne Eibargsen aovend van den Dialectkring Achterhook en Liemers. Dat idee worden metene op-epakt deur den Historischen Kring Eibergen en ok de familie van Gerrit Odink, met name zienen z?nne Wolter, ston daor achter. ?t Deut mi?j deugd en ?t zal ok andern deugd doon, dat de gedichten van Gerrit Odink waer toogankelijk emaakt wordt. Zee verdeent dat en ik wette zeker, dat v?lle leu der wille an zult hebben. </p> <p>Henk Krosenbrink </p> <p> </p>